AZ RU EN WEBMAIL
Интервью с нашими врачами
09.04.2020
Koronavirus və digər tənəffüs infeksiyalarından necə qorunmaq lazımdır?

ATU-nun kafedra müdiri, dosent Rafiq Bayramov bunun üçün xəstələrin izolyasiyasının, həmçinin müalicəsinin, eləcə də infeksiya ocağının dezinfeksiyasının, şəxsi gigiyena qaydalarına ciddi əməl edilməsinin və orqanizmin immun qabiliyyətinin artırılmasının vacib olduğunu bildirir.

Qlobal pandemiyaya çevrilmiş yeni növ koronavirus (COVİD-19) infeksiyasına qarşı mübarizə, onun simptomları, yayılması, keçmə yolları, individual müdafiə üsulları, hər bir şəxsin yoluxma ehtimalı, müxtəlif yaş kateqoriyaları üçün virusun təsiri, müalicə vasitələri və digər məsələlər dünya mediasının gündəmini zəbt edib. Həkim və mütəxəssislər hələlik müalicəsi tapılmayan bu virusdan qorunmağın yolları haqqında müxtəlif tövsiyələr verirlər. Bu, maarifləndirici əhəmiyyətə malik olmaqla yanaşı, profilaktik tədbirlərin vaxtında və düzgün şəkildə yerinə yetirilməsinə imkan verir.

Azərbaycan Tibb Universitetinin (ATU) ağciyər xəstəlikləri kafedrasının müdiri, dosent Rafiq Bayramov "Yeni Azərbaycan" qəzetinə açıqlamasında tənəffüs infeksiyaları ilə yoluxma hallarının spesifikası və xarakteristikasından bəhs edərək "Tənəffüs infeksiyaları - COVID-19, vərəm və s. ilə yoluxma daha çox aerogen, yəni hava-damcı - xəstə asqırdıqda, öskürdükdə və hava-toz yolu ilə, məsələn, xəstənin bəlğəmi ilə çirklənmiş torpaqdan, xəstəlik törədicisi ilə çirklənmiş yerlərdən təmasla ola bilər",- deyə vurğulayıb.

Xəstənin izolyasiyası və infeksiya ocağının dezinfeksiya olunması vacibdir

Koronavirus və digər tənəffüs infeksiyaları ilə mübarizə taktikasından danışan Rafiq Bayramov üç istiqaməti diqqətə çatdırıb. Onun sözlərinə görə, ilk istiqamət infeksiya mənbəyinə qarşı mübarizə tədbirlərini özündə ehtiva edir: "Müvafiq tənəffüs infeksiyası olan xəstələrin izolyasiyası və hospitalizə edilərək müalicə edilməsi vacibdir. Paralel olaraq infeksiya ocağı dezinfeksiya olunmalıdır"

Şəxsi gigiyena qaydalarına ciddi əməl edilməlidir

Şəxsi gigiyena qaydalarına ciddi əməl etməyin zəruriliyinə toxunan həkim bunun infeksiyanın ötürülmə yoluna qarşı görülən tədbirlər sırasında yer aldığını vurğulayıb.
"Yoluxmadan qorunmaq üçün şəxsi gigiyena qaydalarına ciddi əməl edilməsi, qoruyucu maskaların istifadə edilməsi və s. zəruridir",-deyə ATU-nun kafedra müdiri diqqətə çatdırıb.

Orqanizmin immun qabiliyyətinin artırılması xüsusi əhəmiyyətə malikdir

Tənəffüs infeksiyaları ilə mübarizədə üçüncü istiqaməti yoluxmuş şəxslərin xəstələnməməsi üçün orqanizmin immun qabiliyyətinin artırılması məqsədilə konkret tədbirlər görülməsi təşkil edir. Tənəffüs infeksiyalarına yoluxmaqdan qorunmağın asan olmadığını deyən dosent Rafiq Bayramov orqanizmin immun statusunun rolundan bəhs edərək “Tənəffüs infeksiyalarına yoluxmuş şəxslərin az bir hissəsi xəstələnir. Bunlar, xüsusilə immun sistemini zəiflədən yanaşı xəstəliyi olan insanlardır. Ona görə də bu kontekstdə orqanizmin immun statusunun rolu böyükdür”,-deyə bildirib.

Düzgün qidalanın, idmanla məşğul olun və stressdən uzaq durun

ATU-nun kafedra müdiri tənəffüs infeksiyaları ilə mübarizə üçün orqanizmin immun sisteminin normal olmasına bir sıra amillərin təsir göstərdiyini deyib. Onun sözlərinə görə, ilk növbədə balanslaşdırılmış qidalanma, xüsusilə C vitamini ilə zəngin təbii qidaların qəbulu çox böyük əhəmiyyətə malikdir. Digər tərəfdən, normal gün rejimi, yetərli səviyyədə yuxu da vacibdir. Bunlarla yanaşı, idmanla məşğul olmaq, təmiz hava qəbulu, soyuqdan qorunmaq, stress və təşvişdən uzaq olmaq lazımdır.

ПОЛЕЗНЫЕ ССЫЛКИ
Министерство здравоохранения Азербайджанской Республики Министерство образования Азербайджанской Республики Государственная комиссия по приему студентов Виртуальный Карабах
Клиники КЛИНИКИ
Онкологическая клиника Азербайджанского медицинского университета Учебно-Терапевтическая клиника Азербайджанского медицинского университета Стоматологическая клиника Азербайджанского медицинского университета Учебно-Хирургическая клиника Азербайджанского медицинского университета
Обращение
к Ректору
Виртуальный
университет
Виртуальная
библиотека
Для иностранных студентов
Свяжитесь с нами Карта сайта Газета Tabib Тестовые банки