AZ RU EN WEBMAIL
Xəbərlər
28.12.2020
Stomatologiya fakültəsinin Elmi Şurasının onlayn iclası keçirilib

Azərbaycan Tibb Universitetinin (ATU) Stomatologiya fakültəsinin Elmi Şurasının onlayn iclası keçirilib. Fakültənin dekanı, dosent Səid Əhmədov 2020/2021-ci tədris ilində qış imtahan sessiyasına hazırlığın vəziyyəti haqqında danışıb. Dekan S.Əhmədov universitet rəhbərliyinin xüsusi karantin rejiminin tələblərini və məsafədən tədrisin reallıqlarını nəzərə alaraq, imtahan sessiyasında tələbələrin bilik və bacarıqlarını göstərmələri üçün bütün lazımi şərait yaradılacağını deyib.

 

İclasda kafedra müdirləri çıxış edərək qış imtahan sessiyasına hazırlığın vəziyyəti haqqında məlumat veriblər, təkliflərini irəli sürüblər.

 

Məlumat üçün bildirək ki, ATU-nun Stomatologiya fakültəsinin tərkibində 6 kafedra fəaliyyət göstərir: Ortopedik stomatologiya kafedrası, Ağız və üz-çənə cərrahiyyəsi kafedrası, Uşaq stomatologiyası kafedrası, Terapevtik stomatologiya kafedrası, Qulaq, burun və boğaz xəstəlikləri kafedrası və Xarici dillər kafedrası.

 

Qeyd edək ki, COVID-19 infeksiyasının yayılmasının qarşısının alınması məqsədilə Azərbaycan Respublikasının ərazisində fəaliyyət göstərən bütün təhsil müəssisələrində tədris, təlim-tərbiyə prosesi 2020-ci il noyabrın 2-dən etibarən distant formada davam etdirilir.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı