AZ RU EN WEBMAIL
Xəbərlər
06.10.2020
ATU-nun Ortopedik stomatologiya kafedrasından hərbçilərimizə sovqat!

 

Azərbaycan Ordusunun düşmənin təxribatlarına qarşı sentyabrın 27-dən başlatdığı uğurlu əks-hücum əməliyyatı xalqımıza böyük fərəh hissi yaşadır. Vətəndaşlarımız hərbi hissələrə gedərək, əsgərlərimizi ziyarət edir, onlara sovqat aparır və mənəvi dəstək olurlar.

 

Azərbaycan Tibb Universitetinin (ATU) Ortopedik stomatologiya kafedrasının kollektivi də Azərbaycanın ərazi bütövlüyü uğrunda döyüşən hərbçilərimizə baş çəkiblər. Əsgərlərimizə yardım məqsədi ilə topladıqları maddi vəsait hesabına aldıqları zəruri məişət ləvazimatlarını və isti geyimləri onlara pay veriblər.

 

ATU-nun Ortopedik stomatologiya fakültəsinin dekanı, dosent Səid Əhmədovun sözlərinə görə, əməkdaşlar əsgərlərə yardım üçün 4000 manata yaxın maddi vəsait toplayıblar: “Yığılan pula tibbi ləvazimatlar - spirt, bint, ketanol, betadin iynələri, pambıq, eləcə də geyim – adi və yun corablar, qalın altlıq geyimlər, əlcəklər, papaqlar, 25 blok siqaret, 10 kaset meyvə şirəsi aldıq. Goranboy rayonunun Şəfəq kəndinə getdik. Bizi postda qarşıladılar, cəhbə xəttinə 7-8 km aralıqda idi. Apardığımız sovqatı hərbi hissəyə verdik. Ümid edirik ki, bizim də cəbhə bölgəsində düşmənlə vuruşan əsgərlərimizə kiçik də olsa köməyimiz dəydi. İnanırıq ki, şanlı ordumuz bu mübarizədə qalib gələcək!”

 

Qeyd edək ki, Ortopedik stomatologiya fakültəsinin dekanı Səid Əhmədovla birgə fakültənin HİK sədri Tofiq Mahmudov, Ortopedik stomatologiya kafedrasının tədris hissə müdiri Elmar Babayev, assitentləri Əli Əliyev və Rüfət Hüseynli hərbi hissəyə yardım aparıblar. 

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı