AZ RU EN WEBMAIL
Xəbərlər
24.09.2020
ATU-nun əczaçılq fakültəsinin məzunu Fransanın nüfuzlu Eks-Marsel Universitetində müəllim-tədqiqatçı kimi işə qəbul edilib
Azərbaycan Tibb Universitetinin əczaçılıq fakültəsinin məzunu, əczaçılıq üzrə fəlsəfə doktoru Elnur Qarayev Fransanın nüfuzlu Eks-Marsel Universitetininin “Farmakoqnoziya və etnofarmakologiya” kafedrasında müəllim kimi fəaliyyətə başlayıb.
 
 
Qeyd etmək lazımdır ki, 80 min tələbənin təhsil aldığı bu universitet beynəlxalq reytinqinə görə dünyanın 5% ən yaxşı ali məktəblərinin sırasına daxildir. E.Qarayev ATU-nun əczaçılıq fakültəsininin bakalavr (2011) və magistr (2013) pillələrini bitirib və ikinci magistr təhsilini Fransada davam edib. 2017-ci ilin dekabrında “İnula montana (Dağ andızı) bitkisinin fitokimyəvi və farmakoloji tədqiqi“ adlı dissertasiya işini müdafiə edərək Fransa Eks-Marsel Universiteti tərəfindən əczaçılıq üzrə fəlsəfə doktoru elmi adına layiq görülüb. E.Qarayev bu il Eks-Marsel Universiteti tərəfindən elan olunmuş müəllim vakansiyası üzrə işə qəbul müsabiqəsində iştirak edərək iddiaçılar arasında birinci yer tutub və “Farmakoqnoziya və etnofarmakologiya” kafedrasına müəllim-tədqiqatçı vəzifəsinə qəbul edilib.
 
 
 
E.Qarayev (h-index 4) bəzi məqalələri nüfuzlu “Elsevier” (Hollandiya) mətbu orqanınına daxil “Fitoterapiya” və “Flora” kimi yüksək impakt faktorlu elmi jurnallarda çap olunmaqla 30-a qədər elmi işin müəllifidir.
FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı