AZ RU EN
Müdir müavini

Nigar Adil qızı Sədiyeva 1976-cı ildə Bakı şəhərində qulluqçu ailəsində anadan olub. Bakı əhərində 54 saylı orta məktəbi əla qiymətlərlə bitirib. 1994-2000-cü illərdə Azərbaycan Tibb Universitetinin, Pediatriya fakultəsini fərqlənmə diplomu ilə bitirib. 2000-2001-ci illərdə K.Y. Fərəcova ad. ETPİ-da həkim-interna vəzifəsində çalışmışdır. 2001-ci ildən ATU-nin I Uşaq xəstəlikləri kafedrasında çalışır. 2006-2007-cı illərdə Hacettepe Universiteti Tibb Fakultəsi İhsan Doğramaçı adına Uşaq Xəstəxanasında Uşaq Saglamlığı ve Xəstəlikləri Kafedrasında, Neonatologiya, RİT, Gastroenterologiya, Hepatologiya və Diyet Bölümlərində ixtisasartırma kurslarını keçmiş, Hacettepe Universiteti İnkişaf Pediatriyası Bölümündə – Bayley-3 və Denver-2 İnkişafı Qiymətləndirmə Testlərini öyrənərək yetərlilik sertifikatını almışdır. 2014-cü ildə Türkiyədə “İLK BEŞ YAŞTA UŞAQ SAĞLAMLIĞI İZLƏNMƏSİ KURSU”nu keçmişdir. 2014-2015 illərdə Harvard Universitetində İctimai Sağlamlıq Fakultəsində (Post Doc Research Fellow) təhsil almışdır. Bu müddətdə Qlobal Əqli Sağlamlıq/Inkişaf Problemləri Araşdırma Proqramı üzrə Harvard School of Public Health, Harvard Universiteti, Boston Childrens Hospital, McLean Hospital-da kurslar, klinik vizitlər, seminarlarda iştirak etmiş, təhsilini uğurla başa vurmuşdur. 2015-ci ilin iyun ayında Koç Universitetinde “Tibbdə tədqiqatların metodoloji ve etikası” adlı təhsildə iştirak etmişdir. ”Azərbaycanda süni mayalanma ilə doğulan uşaqların sağlamlıq vəziyyətinin multifaktorial üsulla qiymətləndirilməsi” mövzusunda dissertasiya işini müdafiə etmişdir. Hazırda ATU-nin I Uşaq xəstəlikləri kafedrasında xəstələrin qəbulu, uşaqlarda sinir-psixi inkişafın qiymətləndirilməsi, inkişaf geriliklərinin erkən aşkarlanması ilə məşğuldur. Uşaq inkişafına yardım etmək üçün nəzərdə tutulmuş “Xoş gəldin körpəm” adlı kitabın və 20-dən çox elmi işin müəllifidir.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı