Azərbaycan Tibb Universitetində ingilis dilində tədris aparan müəllimlərin nəzərinə.
Azərbaycan Tibb Universitetində ingilis dilində tədris aparan müəllimlərin dil biliyinin qiymətləndirilməsinin ikinci mərhələsi 22 iyun - 02 iyul tarixlərində keçiriləcəkdir.
Ətraflı məlumat
Bağla
AZ RU EN WEBMAIL
Xəbərlər
12.06.2018
ATU-da “Qlial beyin törəmələrinin müalicə yolları” mövzusunda tədbir keçirilib

Azərbaycan Tibb Universitetinin (ATU) Tədris Cərrahiyyə Klinikası (TCK) və Türkiyənin İstanbul Medipol Meqa Universitet Xəstəxanası ilə birgə “Qlial beyin törəmələrinin müalicə yolları” mövzusunda seminar keçirilib.

 

Tədbiri giriş sözü ilə açan klinikanın direktoru Surxay Hadıyev seminarın məqsədi haqqında məlumat verib. O, neyrocərrahiyyənin ən aktual problemlərindən birinin burada müzakirə edilməsinin və təcrübələrin bölüşülməsinin hər kəs üçün faydalı olacağına ümid etdiyini deyib.

 

Sonra çıxış edən ATU TCK-nın neyrocərrahiyyə kafedrasının müdiri professor Sabir Etibarlı, neyrocərrahiyyə şöbəsinin müdiri Fərid Qaralov qlial şişlərin xüsusiyyətləri və müalicəsi haqqında danışıblar. Bildirilib ki, həmin şişlərin müalicəsi tam öyrənilməyib. Çıxışlar zamanı şişlər, onların aşkarlanması və diaqnozların qoyulması ilə yanaşı, neyrocərrahların əməliyyat zamanı qarşılaşdığı çətinliklər haqqında da bir sıra məlumatlar verilib.

 

Daha sonra İstanbul Medipol Meqa Universitet Xəstəxanasının Neyrocərrahiyyə şöbəsinin müdiri professor Nejat Akalanın “Qlial şişlərin cərrahiyyəsi”, şüa onkologiyası şöbəsinin müdiri Ömər Uzelin “Qlial şişlərin müalicəsində şüa terapiyası və radiocərrahiyyə seçimləri”, ATU-nun Onkologiya Klinikasının kimyaterapiya şöbəsinin müdiri Kəmalə Zeynalovanın “Baş beynin metastatik şişlərinin müalicəsində müasir standartlar” mövzularında məruzələri dinlənilib, tədbir iştirakçılarını maraqlandıran suallar cavablandırılıb.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı