AZ RU EN WEBMAIL
Xəbərlər
16.05.2018
ATU-nun əməkdaşı Eskişehir Anadolu Universitetində konfransda çıxış edib

Türkiyənin Eskişehir Anadolu Universitetində Tətbiqi Biologiya Elmləri üzrə IV Beynəlxalq Konfrans (IV İnternational Congress on Applied Biological Sciences) baş tutub.

 

Konfransda Azərbaycan Tibb Universitetini (ATU) əczaçılıq fakultəsinin farmakoqnoziya və botanika kafedrasının baş laborantı Nərmin Babayeva təmsil edib. O, “Hedysarum (H) formosum və Hedysarum atropatanum bitkilərinin xammalının morfoloji-anatomik tədqiqi və flavonoidlərin miqdari təyini” mövzusunda çıxış edib. N. Babayeva Azərbaycan florasından olan H. atropatanum və H. formosum bitkilərinin yarpaq və köklərinin morfoloji və anatomik quruluşundakı xarakterik diaqnostik əlamətləri müəyyən etməsi barədə tədbir iştirakçılarına məlumat verib. Tədqiq olunan bitkilərin otunda flavanoidlərin miqdarını HPLC üsulu ilə öyrəndiyini qeyd edib: “Məlum oldu ki, H. atropatanum bitkisinin tərkibində 6274,8 µg/ml, H. formosum bitkisinin tərkibində isə 9425,5 µg/ml flavonoid vardır. Miqdari təyinat üsulunun validasiyası yerinə yetirilib. Aparılmış tədqiqat nəticəsində müəyyən edilib ki, hər iki bitki flavonoid baxımından perspektivli növlərdir, sonrakı tədqiqatlarda bu birləşmələrin fərdi qaydada alınması və onların farmakoloji xassələrinin öyrənilməsi aktualdır”.

 

Qeyd edək ki, N. Babayeva konfransda həmçinin sessiya idarə edib.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı