AZ RU EN WEBMAIL
Xəbərlər
06.02.2018
ATU-nun əmək gigiyenası və uşaq-yeniyetmələr gigiyenası kafedrasında müəllimlər üçün seminar keçirilib

Fevralın 5-də əmək gigiyenası və uşaq-yeniyetmələr gigiyenası kafedrasında müəllimlər üçün seminar keçirilib. Belə bir seminarın kafedrada son illər ərzində ilk dəfə keçirildiyini söyləyən kafedranın müdiri, dosent Şəhla Balayeva bildirib ki, seminarın əsas məqsədi tədrisin keyfiyyətinin yüksəldilməsi, professor-müəllim heyətinin peşə hazırlığı səviyyəsinin artırılmasıdır: “Bununla əlaqədar kafedrada fənlər üzrə keçirilən mövzulara uyğun olaraq belə seminarların təşkili tələbələri gələcək iş həyatına daha yaxşı hazırlamaqda, onlara lazımi bilik və bacarıqları aşılamaqda müəllimlərə bir dəstəkdir. Müəllimlər təqdim edəcəkləri mövzular haqqında məlumat veriblər və həmin mövzular üzərində işləyirlər. Əsas məqsədlərimizdən biri də xüsusi əmək təbabəti üzrə bacarıqları praktik məşğələlər vasitəsilə tələbələrə mənimsətmək, eyni zamanda müasir tədris üsullarını paylaşmaq, təklif və iradları dinləməklə daha da təkmilləşdirməkdən ibarətdir”.

Elmin bir yerdə durmadığını, daim inkişafda olduğunu, aparılan araşdırmalar nəticəsində yeni qanun layihələrinin, yeni tələblərin hazırlandığını deyən Şəhla xanım  gələcəkdə bu qanun layihələrindən həkimlərin işində istifadə ediləcəyini də vurğulayıb.

İlk seminarda  kafedranın dosenti Səyyad Gürzəliyev yenidən işlənmiş “Əmək gigiyenası sahəsi üzrə istifadə olunan əsas qanunverici və normativ sənədlər” mövzusu haqqında geniş məlumat verib. Çıxışçı hazırda işçilərin sağlamlığının qorunması üçün dövlət tərəfindən qəbul edilmiş müasir qanun və normativ sənədlər, elmi yeniliklər barədə söhbət açaraq tələbələr tərəfindən mövzunun daha yaxşı mənimsənilməsi, qarşıya qoyulan problemin aktuallığının dərk edilməsi üçün vacib olan əsas məqamlara toxunub.

Məruzəçi kafedranın əməkdaşlarından dosent N.Süleymanzadə, dosent M.Nəbiyeva, dosent Z.İsmayılova tərəfindən verilən sualları da cavablandırıb.

Professor R.Əliyeva, epidemiologiya kafedrasının müdiri, professor İ.Ağayev seminar haqqında təkliflərini bildiriblər. Sonda ictimai səhiyyə fakültəsinin dekanı, t.ü.e.d., dosent Anar Ağayev çıxış edərək seminar haqqında təəssüratlarını bölüşüb. Bu səpgidə seminarların müəllimlərin inkişafı, tələbələrə təqdim edilən mövzuların yüksək elmi-praktiki əhəmiyyətinin artırılması baxımından çox əhəmiyyətli olduğunu bildirib və davamlı olmasını arzulayıb.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı