AZ RU EN
Xəbərlər
16.05.2017
ATU-nun Tədris Terapevtik Klinikanın Tibbi İnformasiya Mərkəzində treninq keçirilib

Məlumat verdiyimiz kimi, Azərbaycan Tibb Universitetinin (ATU) Tədris Terapevtik Klinikasında “Web of Science” platformasının effektiv istifadəsi üzrə “Web of Science platformasının tibb və biologiya sahəsində çalışan mütəxəssislər üçün imkanları” mövzusunda seminar keçirilmişdi.

Seminarda iştirak etmək üçün Bakıya gələn Ukrayna Milli Elmlər Akademiyası Molekulyar Biologiya və Genetika İnstitutunun əməkdaşı, b.e.n. İrina Tixonkova bir neçə tədris müəssisəsində, o cümlədən Azərbaycan Tibb Universitetində olmuşdu.

Treninqin sonrakı günlərində Clarivate Analytics şirkətinin ("Tomson Reuters" IP & Science qurumu) Elmi informasiya Resursları üzrə eksperti Aygün Babazadə çıxış edərək fikirlərini bölüşüb. Bildirilib ki, treninqin məqsədi həkim, doktorant və dissertantlarda "Web of Science" platformasından istifadə vərdişlərinin təkmilləşdirilməsidir. Qeyd edək ki, 2015-cı ilin dekabrın 22-də Azərbaycan Respublikasının Təhsil Nazirliyi və dünyanın ən tanınmış elmi-analitik informasiya təminatçısı olan “Thomson Reuters” şirkətinin Elmi tədqiqatlar və intellektual mülkiyyət üzrə şöbəsi arasında əməkdaşlıq haqqında müqavilə imzalanıb. Bu müqaviləyə əsasən, Azərbaycanın 100 müəssisəsi Təhsil Nazirliyinin sifarişi əsasında dünyada məşhur elmi istinad indeksi olan “Web of Science®” platformasına, eləcə də şirkətin əsas məhsulu olan “Thomson Reuters İnCites™” bazasına tam çıxış əldə ediblər. Bu, dünya ali təhsil müəssisələri və elmi dairələrinin fəaliyyətinin məhsuldarlığını təhlil etmək fürsəti verən elmi tədqiqatların qiymətləndirməsinə imkan verən bir alətidir. Hazırda “İnCites™” platforması dünyanın 7000-dən artıq tanınmış universiteti, tədqiqat institutu, dövlət qurumu və şirkəti tərəfindən istifadə olunur. Burada dünyanın 18000 ən yaxşı dərgiləri, konfrans materialları, monoqrafiyalar, patentlər indeksləşdirilib.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün nümunəvi test bankı