AZ EN
Xəbərlər
05.05.2017
Dəri xərçənginə səbəb olan günəş şüalarından qorunmağın yolları

Günəş şüaları dərinin quruluğuna, günəş yanığına, dəri xərçənginə, günəş allergiyasına, erkən yaşlanma və ya foto yaşlanmaya, dərinin piqment dəyişikliyinə səbəb olur.

Azərbaycan Tibb Universitetinin dermatovenerologiya kafedrasının dosenti Elşad Novruzovun sözlərinə görə, günəş şüaları antibakterial təsir və “D” vitamini sintezini təmin etməklə yanaşı, həm də ultrabənövşəyi şüaların əmələ gətirdiyi zərərli təsirləri ilə də özünü göstərir. Gözlə görünə bilməyən ultrabənövşəyi A (UVA) şüaları dərinin dərin təbəqələrinə, ultrabönəvşəyi B (UVB) şüaları isə dərinin üst təbəqəsinə təsir edir.

E.Novruzovun dediyinə görə, yayda günəşdən qorunmaq mütləqdir: “İlk olaraq günəş şüalarının yer səthinə düz bucaq altında düşdüyü təhlükəli saatlar olan, 11:00-dan 16:00-dək günəş altına çıxmamaq məsləhət görülür. Açıq havaya çıxmazdan 30 dəqiqə əvvəl günqoruyucu kosmetik vasitə dəriyə çəkilməli, hər 2 saatdan bir yenilənməlidir. Əgər üzünüz tərləyib və ya duş qəbul etmisinizsə, yenidən günqoruyucu vasitədən istifadə etməlisiniz”.

Günəş şüalarına qarşı krem seçərkən suya və tərləməyə dayanıqlığı olmasını da nəzərə almaq lazımdır. E. Novruzov bildirir ki, günəş qoruyucularının fəaliyyətini ölçən SPF göstəricisi dərinin ultrabənövşəyi şüalardan nə qədər qoruduğunun göstəricisidir: “Günəş şüalarına qarşı krem seçərkən, onun dərinizi ultrabənövşəyi A və B şüalarından qoruduğuna əmin olmalısınız”.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı