AZ RU EN WEBMAIL
Tibbdə bu gün
11.10.2018
11 oktyabr - Ümumdünya görmə günüdür

11 oktyabr bir çox ölkələrdə Ümumdünya görmə günü kimi qeyd olunur. Bu günün qeyd olunmasının əsas məqsədi gözdən əlillik, görmə pozuntusu və reabilitasiyası problemlərinə qlobal diqqəti cəlb etməkdir.

 

Azərbaycan Tibb Universitetinin mütəxəssisləri göz xəstəliklərinin müayinəsi, müalicəsi ilə bağlı əhaliyə yüksək səviyyəli xidmət göstərirlər. ATU-nun Oftalmologiya kafedrası ən son texnoloji avadanlıqlarla təchiz olunub. Burada yüksək təcrübəyə malik peşəkar professor, tibb elmlər namizədi, fəlsəfə doktorları, həmçinin xaricdə təhsil alan yüksək ixtisaslı mütəxəssislər fəaliyyət göstərirlər.

 

Qeyd edək ki, ATU-nun Tədris Cərrahiyyə Klinikasının oftalmologiya şöbəsində işin yüksək keyfiyyətdə görülməsi üçün imkan verən ən müasir aparatlar var. Bu cihazların köməyi ilə gözdaxili təzyiqin ölçülməsi, gözdən yad cismin çıxarılması, gözyaşı vəzisinin kanalının açılması, zəifgörmənin dərəcəsinin təyin edilməsi və s. kimi vacib problemlər həll olunur.

 

Klinikadakı aparatlar üstün keyfiyyətə malik və olduqca rahat istifadə olunur. Bunlar arasında ən vacibi ekzeymer lazer cihazıdır. Bu cihaz vasitəsilə İntraleyzlə ekzeymer refraktiv cərrahi əməliyyatlarının yeni üsullarla aparılmasına start verilib.

 

Klinikada təcrübəli və xaricdə təcrübə keçmiş həkim-oftalmoloqlar bütün növ göz xəstəliklərinin müayinə və müalicəsi, eləcə də əməliyyatı ilə məşğul olur. Bu xəstəliklərə konyuktivit, uveit, katarakta, qlaukoma, blefarvit, çəpgözlük, zəifgörmənin bütün növləri, keratit və s. daxildir.

 

Qeyd edək ki, ATU-nun oftalmologiya kafedrasında 30 həkim fəaliyyət göstərir. Kafedrada ümumi işçi sayı 50 nəfərə yaxındır.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı