AZ RU EN WEBMAIL
Tibbdə bu gün
10.10.2018
10 Oktyabr - Ümumdünya Psixi Sağlamlıq Günüdür

1992-ci ildən etibarən hər il oktyabrın 10-u Dünya Psixi Sağlamlıq Günü kimi qeyd edilir. Həmin gün Dünya Psixi Sağlamlıq Federasiyasının təşəbbüsü və Dünya Səhiyyə Təşkilatının dəstəyi ilə təsis edilib.

 

Psixi Sağlamlıq Günü hər il müxtəlif mövzulara həsr edilir. Günün bu ilki mövzusu “Dəyişən dünyada gənclər və onların psixi sağlamlığı” başlığı altındadır.

 

Dünya Səhiyyə Təşkilatının məlumatına görə, hazırda dünyada 450 milyondan çox insan psixi müxtəlif xəstəliklərdən əziyyət çəkir və hər iki nəfərdən biri həyat boyu hansısa psixi problemlə üzləşə bilər. Ən geniş yayılmış psixi xəstəlik depressiyadır. Bu problemdən qadınların 26, kişilərin isə 12 faizi əziyyət çəkir.

 

Dünya Psixi Sağlamlıq Gününün qeyd olunması psixi sağlamlığın problemləri, onun möhkəmləndirilməsi və profilaktik üsulları barədə ictimaiyyətin məlumatlılığının artırılması məqsədi daşıyır. Həmin gün beynəlxalq psixiatrik təşkilatlarının tematik jurnalları buraxılır, hökumət strukturları və səhiyyə təşkilatlarına beynəlxalq hərəkatda iştirak etməyə çağıran müraciətlər göndərilir.

 

Sağlamlığın ayrılmaz və əhəmiyyətli hissəsi olan psixika hər kəsin öz bacarıq və şəxsi potensialını nümayiş etdirməyə, adi həyat stresslərini dəf etməyə, məhsuldar və faydalı iş görməyə, cəmiyyətə xeyir verməyə imkan yaradır.

 

Yaşadığımız həyatda xeyli stress mənbələri var: sosial və iqtisadi çətinliklər, iş və ailədaxili problemlər, ictimai nəqliyyat və s. Bu və bu kimi səbəblər stressin yaranmasına, sonra isə depressiyaya aparıb çıxarır. Müasir həyatın tərkib hissəsinə çevrilən stresslə mübarizə aparmaqdansa, onu “yaxına buraxmamaq” daha yaxşıdır.

FAYDALI LİNKLƏR
Azərbaycan Respublikası Səhiyyə Nazirliyi Azərbaycan Respublikası Təhsil Nazirliyi Tələbə Qəbulu Üzrə Dövlət Komissiyası Virtual Qarabağ
KLİNİKALAR
Azərbaycan Tibb Universitetinin Onkoloji Klinikası Azərbaycan Tibb Universitetinin Tədris Terapevtik Klinikası Azərbaycan Tibb Universitetinin Stomatoloji Klinikası Azərbaycan Tibb Universitetinin Tədris Cərrahiyə Klinikası
Rektora Yazın Elektron Universitet Online Kitabxana Xarici tələbələr üçün Əlaqə Saytın xəritəsi Təbib qəzeti Tələbələr üçün test bankı